تصدر اسم مي عمر التريند على محرك البحث الشهير «جوجل»، بعد تصريحات زوجها محمد سامي عن الغيرة والشك وغيرها من التفاصيل الشخصية، وذلك خلال لقائه في برنامج «أنا سعيد»، المذاع على قناة «القاهرة والناس».
وأكد محمد سامي، أنه يحب مي عمر ويغار عليها في كل وقت وكل لحظة، ويحب أن يراها جميلة في أمام الجميع، معقبًا: «أنا بغير على مي مراتي جدًا، بغير عليها وهي بتمثل، وحتى وهي بتتكلم مع حد، وهي في شغلها لكن أنا بحب مراتي حلوة وتلبس اللي عايزه تلبسه، وتعمل اللي هى عايزه تعمله، عشان إحنا هنعيش مرة واحدة ليه متعملش اللي نفسها فيه؟».
تعليق عمرو أديب علي أزمة شيرين جعله يتصدر التريند.. فماذا قال
وأضاف سامي: «أنا هعيش 20 او 50 أو 70 سنة أيًا كان اللي هعيشه، مي عمر كمان عندها حياة لازم تتبسط فيها، أنا مش مشتريها عشان اقفل عليها»، متابعًا: «لو راجل شك فى مراته يبقى مريض.. والمشكلة تكون في الزوج ويكون الشك مرضي، أنا بشك لما يكون في اتفاق مع حد»
وتابع سامي: «الشك بيكون صحي لما يكون تجاه الشخصيات الغريبة و يكون مرضى عندما يكون تجاه الشخصيات القريبة، ومي عمر عمرها مشكت فيا لأننا متفقين من قبل الجواز إن الاحترام هو اللي بينجح أي علاقة»
